संस्थेने आपल्या ग्राहकांकरीता विविध योजना कार्यान्वित केल्या त्याचा फायदा संस्थेच्या ग्राहकांना मिळत आहे. काळानुरूप पतसंस्थेने संगणक प्रणाली सुरु केली व ती यशस्वीरित्या कार्यरत आहे. त्यामुळे आर्थिक कामकाज सुलभ, जलदगतीने आणि अचूक होत आहे. सन २०२१-२२ मध्ये संस्थेच्या सर्व शाखा व्यवहाराने जोडल्या असल्याने ग्राहकांना नजीकच्या शाखेत व्यवहार करणे शक्य होत आहे तसेच पतसंस्था ही ISO 9001:2015 हे मानांकन मिळवणारी पनवेलमधील पहिली पतसंस्था आहे.

व्यावसायिक दृष्टीकोन बाळगतांना पनवेल परिसरातील अनेक सामाजिक संस्थांना कृतज्ञता निधीद्वारे आर्थिक मदत पतसंस्था करीत आहे.

पतसंस्थेच्या एकूण ३ शाखा पनवेल शहरात विविध भागांत कार्यरत असल्यामुळे ग्राहकांना सेवा देणे सोयीचे झाले आहे. संस्थेच्या ३५ वर्षाच्या कारकिर्दीत सभासद संख्या ७०३७ इतकी झाली आहे. सन २०२२-२३ ह्या वर्षात संस्थेचा मिश्र व्यवसाय १४१.१८ कोटी पर्यंत गाठण्यात आपण यशस्वी झालो आहोत. आगामी काळात २०० कोटींचा टप्पा गाठण्याचे आपले उद्दिष्ट आहे.

पतसंस्थेच्या सर्व शाखांची कार्यालये व मुख्य कार्यालय स्वमालकीचे आहेत. पतसंस्थेत मुख्य कार्यालय व ३ शाखा मिळून २६ कर्मचारीवृंद कार्यतत्परतेने ग्राहकांना सेवा देत आहे. पतसंस्थेचे सर्व ठेवीदार, कर्जदार, सर्व सन्माननीय सभासद, उच्चशिक्षित संचालकमंडळ आणि शिस्तप्रिय कर्मचारी व अधिकारी, स्वल्पबचत प्रतिनिधी यांच्या सहकार्यामुळेच संस्थेची प्रगती होऊ शकली आहे. नवनवीन योजनांद्वारे ग्राहकांची आर्थिक उन्नती गाठणे हेच उद्दिष्ट ठेवून पतसंस्था उत्तरोत्तर प्रगती करत राहील.